Ош шаарынын Ак-Тилек конушунун Б.Осмонов көчөсүнүн боюнда аллеянын курулушу аяктады. Аллеянын ачылышына калаа мэри Жеңишбек Токторбаев жана жергиликтүү тургундар катышкан.
Курулуш иштери үстүбүздөгү жылдын март айында башталган. Анда тротуарга асфальт басуу, күндөн кубат алуучу кечки жарыктарды орнотуу иштери, павловния дарагынын көчөттөрүн, ийне жалбырактуу бак-дарактарды отургузуу иштери аткарылган. "Кабар" агенттигинин сүрөтчүсү Исхак Туратбеков жеринен эксклюзивдүү кадрлар менен бөлүштү.
