Бишкек, 26.05.26. /Кабар/. Жаратылыш ресурстары, экология жана техникалык көзөмөл министри Акыл Токтобаев Жалал-Абад облусундагы тоо-кен ишканаларын текшерди.
Ведомстводон маалымдашкандай, иш сапардын алкагында министр аймактагы бир катар тоо-кен ишканаларынын өндүрүштүк ишмердүүлүгү менен таанышып, натыйжалуулукту жогорулатуу боюнча чараларды талкуулады.
Иш сапардын жүрүшүндө экологиялык ченемдерди сактоо, өндүрүштүк коопсуздукту камсыз кылуу жана объектилерде эмгекти коргоо маселелерине өзгөчө көңүл бурулду. Мыйзам талаптарын так аткаруу зарылдыгы баса белгиленди.
Министр лицензиялык келишимдердин жана колдонуудагы ченемдердин шарттарын сактоо менен ишканалардын процесстерин модернизациялоонун жана өндүрүштүк кубаттуулугун жогорулатуунун маанилүүлүгүн белгиледи.
Белгиленгендей, иш сапардын жыйынтыгы боюнча ишканалардын жетекчилерине иштин натыйжалуулугун жогорулатууга, өндүрүштүк тартипти күчөтүүгө жана региондун тоо-кен казып алуу тармагынын туруктуу өнүгүүсүн камсыз кылууга багытталган тапшырмалар берилди.
