Бишкек, 09.07.26. /Кабар/. Ош шаарында интернет жана социалдык тармактар аркылуу синтетикалык баңгизаттарды жайылтуунун алдын алуу боюнча түшүндүрүү иштери жана жапайы өскөн кара куурайларды жок кылуу рейддери өттү.
Муниципалитеттен маалыматына караганда, Жапалак, Кызыл-Кыштак айылдык аймактык башкармалыктарында жана Манас-Ата кичи районунда жергиликтүү тургундардын, айыл башчылардын жана укук коргоо органдарынын катышуусунда жапайы кара куурайлар орулуп, өрттөлүп жок кылынды.
Мэриянын шаардыктарды социалдык тармактардагы шектүү баракчаларга жана "оңой акча табууну" сунуштаган жарыяларга ишенбөөгө чакырат жана синтетикалык баңгизаттарды мыйзамсыз даярдоо, сактоо, ташуу жана сатуу кылмыш жоопкерчилигине алып келерин эскертет.
Ошондой эле жарандарды баңгизат соодасына байланыштуу шектүү фактылар тууралуу дароо милицияга кабарлоону өтүнөт.
Мэрия жаштарды баңгизаттын зыяндуу таасиринен коргоо жана коомдук коопсуздукту камсыз кылуу - ар бир жарандын милдети экенин баса белгиледи.
