Бишкек, 09.10.2025. /Кабар/. Жалал-Абад облусунун Ала-Бука районуна караштуу Өрүктү айылында жаңы мектеп салынууда.
Курулуш министрлигинен билдиришкендей, мектеп 275 орунга ылайыкталып, заманбап талаптарга жооп берген эки кабаттуу окуу корпусунан жана спорт залынан турат. Имараттын наркы 132 миллион сомду түзөт.
Объектин курулушу 2023-жылы республикалык бюджеттин эсебинен башталган. Быйыл жыл аягына чейин курулушту бүткөрүү пландалууда.
