Бишкек, 15.09.25. /Кабар/. Жалал-Абад облусунун Тогуз-Торо районуна караштуу Атай айылындагы бала бакчанын курулуш иштери аяктап калды.
Курулуш министрлигинен билдиришкендей, жалпы аянты 890 чарчы метр болгон эки кабаттуу имарат 100 орунга ылайыкталып, заманбап талаптарга жооп берет. Бала бакчанын ичинде уктоо, оюн жана тарбиялык бөлмөлөрү каралган.
Мындан тышкары, балдардын сергек жана активдүү өсүшү үчүн сырткы оюн аянчасы жана эс алуу жайлары да каралган.
Белгилей кетсек, республикалык бюджеттин эсебинен каржыланууда. Курулуштун наркы 62 миллион сомду түзөт.
