Бишкек, 06.08.25. /Кабар/. Жалал-Абаддагы жер титирөөдөн жабыркагандар боюнча тактоо иштери уланууда. Бул тууралуу Өзгөчө кырдаалдар министрлигинен билдиришти.
Маалыматка караганда, учурда Базар-Коргондо 2 турак үйдүн, Сузак районундагы Кыз-Көл айыл аймагындагы №32 орто мектебинин спорт залынын дубалдарынан жаракалар пайда болгону такталды.
Бактыга жараша адам өмүрүнө зыян келтирилген жок.
Белгилей кетсек, күн мурун саат 19:44тө аталган облуста күчү 6 баллга жеткен жер титирөө катталган.
