Бишкек, 28.11.25. /Кабар/. Сузак районуна караштуу Көк-Жаңгак айылында №1 М.Фрунзе мектебинин курулушу башталды.
Курулуш, архитектура жана турак жай-коммуналдык чарба министрлигинен билдиришкендей, долбоор республикалык бюджеттен каржыланып, тендердик баасы 184 млн сомду түздү.
Башкы план боюнча, объекттин жалпы аянты 2 944 чарчы метрди түзгөн, эки кабаттуу имараттан турат. Мектепте негизги окуу класстардан тышкары лаборатория, китепкана, дарыгердин бөлмөсү, кыздар, балдар үчүн эмгек класстар, актовый жана спорт залдары заманбап шарттары менен каралат.
Курулуш-монтаждоо иштери Турак жай жарандык курулуш департаментинин көзөмөлүндө жүргүзүлүүдө, учурда пайдубалы куюлду.
