Бишкек 21.05.25 /Кабар/. Кечээ, 20-май күнү Барпы атындагы Жалал-Абад облустук кыргыз драма театры көрүүчүлөргө "Менин мугалимим" спектаклин сунуштады. Бул тууралуу театрдын басма сөз кызматы билдирди.
Спектакль Билим берүү кызматкерлеринин кесиптик бирлигинин Жалал-Абад шаардык комитети тарабынан уюштурулган "Мугалим жана коом" аталышындагы республикалык форумунунун алкагында коюлду.
Анда мугалим, окуучу, жана ата-эне үч бурчтугунун ортосундагы актуалдуу окуялар камтылган. Мугалимдин азыркы коомдогу кадыр баркын көтөрүүгө, ата-эненин баласына болгон мамилесин оңдоону жана мугалим менен байланышын чыңдоого багытталган. Чыгарманын түпкү максаты мугалимди сыйлоого үндөйт.
Спектаклдин автору жана режиссёру – театрдын көркөм жетекчиси Курманбек Ниязбеков.
