Бишкек, 30.08.25. /Кабар/. Бүгүн, 30-августта Жалал-Абад шаарында өлкөнүн эгемендүүлүгүнүн 34 жылдыгына арналган салтанаттуу иш-чара президент Садыр Жапаровдун, ошондой эле министрлер кабинетинин мүчөлөрүнүн катышуусунда өтөт.
Кечинде саат 18:00дөн 01:00гө чейин шаардын борбордук аянтында чоң гала-концерт болот. Шаар тургундарына жана конокторуна белгилүү чет элдик аткаруучулар – Николай Басков, Люся Чеботина, BOSSON, Озода жана Хамдам Сабиров, ошондой эле кыргыз эстрадасынын белгилүү артисттери өнөрлөрүн тартуулайт.
Белгилей кетсек, Жалал-Абад шаарында майрамга кызуу даярдыктар көрүлүүдө. Коопсуздукту камсыздоо жана иш-чараларды ыңгайлуу өткөрүү үчүн шаардын борборунда унаа кыймылына убактылуу чектөө киргизилди.
