Бишкек, 10.04.25. /Кабар/. Комиссия Жалал-Абад шаарындагы мектеп жана бала бакчалардын санитардык абалын, балдарга берилип жаткан тамак-аштын сапатын, азыктардын сакталуу тартибин текшерди.
Муниципалитеттен билдиришкендей, комиссиянын курамына мэриянын кызматкерлери, шаардык кеңештин депутаттары, санитардык-эпидемиологиялык көзөмөлдөө борборунун жана шаардык билим берүү бөлүмүнүн кызматкерлери кирди.
Рейддин жүрүшүндө айрым билим берүү мекемелеринде аныкталган кемчиликтерди жоюу боюнча жеринде тапшырмалар берилди.
Алдыда мындай текшерүүлөр улантылат.
Белгилей кетсек, Жалал-Абад шаарында 29 мектеп, 29 мектепке чейинки билим берүү мекемеси бар.
