Бишкек, 30.03.26. /Кабар/. Кыргызстандын аймагында жер титирөө катталды. Бул тууралуу Улуттук илимдер академиясынын Сейсмология институту билдирди.
Маалыматка ылайык, жердин силкинүүсү 30-мартта жергиликтүү убакыт боюнча саат 00:07де катталып, күчү очогунда 3 баллга жеткен.
Сейсмикалык активдүүлүктүн очогу Жалал-Абад облусунда жайгашкан:
- Көл айылынан түндүк-батышты карай 18 чакырым алыстыкта;
- Кара-Көл шаарынан түндүк-батышты карай 58 чакырым алыстыкта.
Жердин силкинүүсү Көл айылында 2 баллга жеткен.
Алдын ала маалыматтар боюнча, окуянын кесепетинен жабыркагандар жана кыйроолор жок.
