Бишкек, 18.08.25 /Кабар/. Жалал-Абад облусунда 2026 даана трансформатор техникалык тейлөөдөн өттү. Бул тууралуу Энергетика министрлигинен билдиришти.
Ошондой эле алдыдагы күз-кыш мезгилдерине карата даярдык көрүү боюнча коюлган тапшырмага ылайык, 0,4-6-10 кВ бөлүштүрүүчү электр тармактарында жумуштар мерчемделген планга ылайык жүргүзүлүүдө.
Алсак, Жалал-Абад электр тармактар ишканасынын 12 район электр тармактарында жасалган жумуштардын көлөмү 70 пайызды түзөт.
Алдыда ноябрь айына чейин 213 даана трансформатор, 170,18 чакырым 6-10 кВ аба чубалгы оңдоодон өткөрүлөт.
