Бишкек, 03.11.25. /Кабар/. Жалал-Абад облустук ички иштер башкармалыгына "Нива" үлгүсүндөгү 10 кызматтык унаа тапшырылды.
Облустук милициядан билдиришкендей, унаалар 1-ноябрь - Кыргыз милициясынын түзүлгөндүгүнүн 101 жылдыгына карата берилди.
Жалал-Абад ОИИБдин башчысы Марлис Асанов унааларды шаардык милициялардын башчыларына тапшырды.
Ошондой эле Жалал-Абад ОИИБдин бир катар кызматкерлери өздөрүнүн кызматтык милдеттерин так аткаргандыктары үчүн ИИМдин "Кыргыз милициясына 100 жыл" медалы жана Ардак грамоталары менен сыйланышты.
Соңунда Марлис Асанов кызматтык унаа жана сыйлык алгандарды куттуктап, иштерине ийгиликтерди каалап, ар дайым коюлган тапшырмаларды өз убагында ыкчам аткарууга чакырды.
