Бишкек,11.03.25./Кабар/. Нарын шаарында жакынкы күндөрдө жаңы муниципалдык айып короо пайдаланууга берилет. Бул тууралуу шаардык муниципалитеттин басма сөз кызматы билдирди.
Маалыматка ылайык, учурда шаардын борбордук аймагында пайдаланылбай турган жер аянтынын айланасы тосулуп, жарыктандыруу иштери жүрүүдө.
"Аталган жерге мыйзам бузган айдоочулардын унааларын токтотуу менен андан түшкөн акча каражатын шаардык бюджетке түшүрүү каралууда",-деп айтылат маалыматта.
Белгилей кетсек, айып короону тосуу иштери менен Нарын шаарынын мэри Канболот Тутуев таанышып, ишти ылдамдатуу менен кийинки жумада пайдаланууга берүүнү тапшырды.
