Бишкек, 24.11.25. /Кабар/. Ысык-Көл районуна караштуу Өрнөк айылында жаңы бала бакчанын курулушу бүткөрүлдү.
Курулуш, архитектура жана турак жай-коммуналдык чарба министрлигинен билдиришкендей, жакынкы күндөрү пайдаланууга берүү пландалууда.
Объекттин курулуш 2024-жылы башталып, республикалык бюджеттен 78 млн сом каржыланды.
Долбоорго ылайык, бала бакча 100 орунга ылайыкталган, заманбап шарттары бар эки кабаттуу имараттан турат. Жалпы аянты 946 чарчы метрди түзөт.
