Бишкек, 17.09.25. /Кабар/. Ош шаарында жакында "Жибек" бала бакчасы пайдаланууга берилет. Бул тууралуу муниципалиеттен билдиришти.
Маалыматка караганда, Алиев көчөсүндө жайгашкан №1 "Жибек" мектепке чейинки билим берүү мекемесинин кошумча имараты 100 орунга ылайыкталган.
Учурда курулуш иштери аяктап, пайдаланууга берүүгө даярдалууда.
Имаратта уктоо бөлмөлөрү, ашкана, санитардык бөлмөлөр, оюн жана эс алуу үчүн заманбап шарттар каралган.
