Бишкек, 07.09.25. /Кабар/. Ноокат районуна караштуу Он-Эки-Мойнок айылынданы 275 орундуу А.Сыранов атындагы мектептин курулушу аяктап калды. Бул тууралуу Курулуш, архитектура жана турак жай-коммуналдык чарба министрлигинен билдиришти.
Долбоорго ылайык, эски мектептин ордуна салынып жаткан жаңы мектеп эки кабаттуу, 4 блоктон турат. Окуучулар жана мугалимдер үчүн бардык заманбап шарттар каралган. Жалпы аянты 1956 чарчы метрди түзөт.
Мектеп республикалык бюджеттен каржыланууда. Учурда курулуш иштеринин 95 пайызы бүткөрүлдү.
