Бишкек, 08.10.25. /Кабар/. Бишкектин Чыгыш-5 кичи районунда 20-октябрда №62 «Баластан» бала бакчасы ачыла турганын мэрия билдирди.
Маалыматка ылайык, мекеменин имараты муниципалитетке Улуттук коопсуздук мамлекеттик комитетинин Бишкек шаардык башкармалыгы менен биргеликте жүргүзүлгөн иштердин негизинде кайтарылган.
Министрлер кабинетинин тапшырмасы менен бала бакчаларда балдардын көбүрөөк камтылышын камсыздоо үчүн жайылуучу керебеттер колдонулат. Бул 360тын ордуна 560 баланы кабыл алууга мүмкүнчүлүк берет.
Учурда имарат толугу менен оңдолуп, жаңы жабдуулар орнотулду, айлана-чөйрөсү жана ар бир топко ылайык оюн аянтчалары түзүлгөн.
Ишти аткарган подрядчы — «Лидер Хаус» ЖЧК.
