Бишкек, 01.10.26. /Кабар/. Араван районунун Пахта-Абад айылында айылдык маданият үйүнүн базасында заманбап Жаштар борбору ачылуу алдында турат.
Президенттин Ош облусундагы өкүлчүлүгүнөн билдиришкендей, учурда капиталдык оңдоп-түзөө иштери 95% аткарылды.
Жаштар борборун уюштуруу иштери 2025-жылы башталып, долбоор Турукташтыруу фондунун каражатынын эсебинен каржыланууда.
Борбор ишке берилгенден кийин айыл жаштарынын бош убактысын пайдалуу өткөрүүсүнө, чыгармачылык жана спорттук ийримдерге катышуусуна шарт түзүлөт.
Президенттин Ош облусундагы өкүлү Аманкан Кенжебаев объекттеги калган иштерди сапаттуу жана белгиленген мөөнөттө бүткөрүүнү тапшырды.
