Бишкек, 04.09.25. /Кабар/. Чүй облусунун, Жайыл районунда мыйзамсыз соодага каршы рейдде 410 литр бензин алынды. Бул тууралуу Чүй ОИИББнын басма сөз кызматы билдирди.
Маалыматка ылайык, 4-сентябда Чүй облусунун Жайыл районунда милиция кызматкерлери рейд өткөрүп, жол боюнда мыйзамсыз күйүүчү май (бензин) сатып жаткан жарандарды текшеришти.
Рейддин жүрүшүндө мыйзамсыз 410 литр бензин сатып жаткан киши кармалып, ага тиешелүү акт түзүлдү.
Мыйзам бузгандарга Кыргыз Республикасынын Укук бузуулар кодексинин 161-беренеси боюнча протоколдор түзүлдү.
