Бишкек, 29.04.26. /Кабар/. Өзгөн районунун Кара-Такыр айылындагы 150 орундуу Т.Жоробеков атындагы мектептин курулушу аяктады.
Курулуш, архитектура жана турак жай-коммуналдык чарба министрлигинен билдиришкендей, долбоор мамлекеттик бюджеттен каржыланып, жалпы наркы 109,5 млн сомду түздү. Курулуш иштери 2024-жылдын декабрь айында башталган.
Башкы планга ылайык, жаңы мектептин жалпы аянты 1282 чарчы метрди түзүп, эки кабаттуу имараттан турат. Анда заманбап окуу класстары, лаборатория, китепкана, ашкана, компьютердик класс, эмгек кабинеттери жана спорт залы каралган.
Учурда эмеректерди жайгаштыруу иштери жүргүзүлүүдө.
