Бишкек, 27.01.26. /Кабар/. Өзгөн районунда энергетикалык 3 объект ишке кирди. Бул тууралуу Энергетика министрлигинен билдиришти.
- Куршаб айыл аймагында жайгашкан "Куршаб" участкасы кызматкерлердин иш шарттарын жакшыртуу жана заманбап талаптарга жооп берген ыңгайлуу жумуш ордун камсыз кылуу максатында курулду. Долбоор "Кыргызстан улуттук электр тармактар" ААК тарабынан каржыланып, жалпы сметалык баасы 9 млн 670 миң сомду түзгөн. Курулуш иштерин "Азия Вей Групп" ЖЧК тарабынан жүргүзүлүп, аткарылган иштердин баасы 7 млн 325,69 миң сомду түздү.
- 110/35/10 кВ "Кара-Шоро" көмөк чордонунун 2-этаптагы курулуш иштери ийгиликтүү аяктап, пайдаланууга берилди. Долбоордун жалпы сметалык баасы 13 млн 500 миң сомду түзөт. Курулуш иштери чарбалык ыкма менен жүргүзүлүп, аткарылган иштердин наркы 13 млн 462,95 миң сомду түздү.
- "Салам-Алик" участкасы кызматкерлердин эмгек шарттарын жакшыртуу жана ыңгайлуу жумуш ордун камсыз кылуу максатында курулуп, долбоордун жалпы сметалык баасы 9 млн 752 миң сомду түзөт. Курулуш иштерин "Вкрет-Мет" ЖЧКсы жүргүзүп, аткарылган иштер "Кыргызстан улуттук электр тармактар" ААК тарабынан каржыланып, наркы 8 млн 286,3 миң сомду түздү.
