Бишкек, 18.11. 25. /Кабар/. Өзгөн районуна караштуу Кандава айылында жаңы мектептин курулушу башталды.
Курулуш, архитектура жана турак жай-коммуналдык чарба министрлигинен билдиришкендей, долбоор республикалык бюджеттен каржыланып, Турак жай-жарандык курулуш департаменти тарабынан ишке ашырылмакчы. Объекттин наркы 186 млн сомду түзөт.
Башкы план боюнча, мектеп 225 орунга ылайыкталып, үч блоктон турат.
Курулуш иштери заманбап талаптардын негизинде жүргүзүлүп, мектепте негизги окуу класстарынан тышкары китепкана, лаборатория, балдар, кыздар үчүн эмгек кабинеттери, актовый жана спорт залдар каралган.
