Бишкек, 26.09.25. /Кабар/. Ош облусунун Өзгөн районундагы Жылалды айылында 117 млн сомдук жаңы мектептин курулушу аяктоо алдында турат.
Курулуш министрлигинен билдиришкендей, мектептин курулушу республикалык бюджеттен каржыланууда жана жумуштар 2022-жылы башталган.
Жаңы мектеп 275 окуучу үчүн ылайыкташтырылып, үч блоктон турат:
- А блогу – эки кабаттуу окуу корпусу;
- Б блогу – ашкана, китепкана жана иш-чара өтүүчү зал;
- В блогу – заманбап спорт зал.
Маалыматта белгиленгендей, эски мектептин имараты 1972-жылы курулуп, ишке берилген.
