Ташкент, 13.08.25. /Кабар/. Өзбекстанда жашы жете электерге атайын уруксаты жок диний билим берүү үчүн кылмыш жоопкерчилиги киргизилет, деп маалымдайт Lex.uz.
Мыйзам долбооруна ылайык, мындай иш-аракет үчүн 50–100 БРВ өлчөмүндө (1,3 миң - 2,6 миң доллар) айып пул, 360 саатка чейин коомдук иштер, үч жылга чейин түзөтүү иштери, эркиндигин чектөө же камак жазасы каралууда. Ошондой эле жеке тартипте диний билим берүү да кылмыш катары эсептелет.
Азыркы учурда мындай мыйзам бузуу үчүн 5-10 БРВ (165 – 329 доллар) айып пул же 15 суткага чейин административдик камак жазасы колдонулат.
Өзгөртүүлөр үч айдан кийин күчүнө кирет.
