Ташкент, 19.08.25. /Кабар/. Өзбекстандын президенти шектүүлөрдүн, айыпталуучулардын жана соттолуп жаткан, бирок камакка алынбаган жарандардын өлкөдөн чыгышына убактылуу чектөө киргизүүгө мүмкүнчүлүк берген мыйзамга кол койду, деп кабарлайт Lex.uz сайты.
Бул чара эгер алар өлкөнү таштап кетсе тергөөгө же сотко катышпай калышы мүмкүн деп негиздүү шек болсо колдонулат. Чектөөнү прокурор, тергөөчү же иликтөөчү сунуштай алат жана жабык сот отурумунда 8 сааттын ичинде каралат.
Сот чечими жарыяланган мезгилден баштап күчүнө кирет жана ички иштер органдарына, Чек ара кызматтарына, ошондой эле шектүүгө же айыпталуучуга жана коргоочусуна жөнөтүлөт. Бул чечимге 48 сааттын ичинде даттанууга болот.
Расмий маалыматтарга ылайык, 2021-2025-жылдары 39 038 адам соттон жана тергөөнүн чечимдеринен качып кеткен, алардын 44,9 пайызы өлкөдөн чыгып кеткен. Көпчүлүк учурда аларга камак чарасы колдонулган эмес.
