Бишкек, 12.07.26. /Кабар/. Ысык-Көл облусунун Ак-Суу районунда жайкы маалда сууга чөгүү кырсыктарынын алдын алуу максатында өспүрүмдөр арасында профилактикалык иш-чаралар күчөтүлдү. Бул тууралуу Ак-облустук милиция билдирди.
Маалыматка ылайык, жайкы эс алуу мезгили башталгандан бери суу объекттеринде коопсуздукту камсыз кылуу өзгөчө мааниге ээ болууда.
Рейддик иш-чаралардын алкагында милиция кызматкерлери тарабынан төмөнкү иштер аткарылды:
- Суу жээктериндеги сууга түшүүгө тыюу салынган жана кооптуу аймактарга атайын эскертүүчү баннерлер орнотулду;
- Жергиликтүү жарандарга, эс алуучуларга жана өспүрүмдөргө суудагы коопсуздук эрежелери боюнча түшүндүрүү иштери жүргүзүлдү;
- Суу жээгинде кароосуз жүргөн балдарды аныктоо боюнча текшерүүлөр уюштурулду.
Милиция кызматкерлери коопсуз жайкы эс алуу ар бир жарандын жеке жоопкерчилигинен башталарын эскертет.
