Бишкек, 20.08.25. /Кабар/. Бүгүн Ысык-Көлдүн жээгинде экологияны сактоо багытында жалпы ишембилик өткөрүлдү. Бул тууралуу Ысык-Көл облустук милициясынан билдиришти.
Иш-чара облустун бардык шаарлары жана райондорунун көл жээк аймактарын камтыды.
Ишембиликке Ысык-Көл облусунун райондук мамлекеттик администрациялары, шаар мэриялары, жергиликтүү өз алдынча башкаруу органдары, мамлекеттик жана муниципалдык мекеме-уюмдардын, ошондой эле эс алуу жайларынын кызматкерлери кеңири катышты.
Иш-чаранын негизги максаты жарандардын экологиялык маданиятын жогорулатуу, жаратылышка аяр мамилени калыптандыруу жана Ысык-Көлдүн жээгин таштандылардан арылтуу болуп саналат.
