Бишкек, 27.01.26. /Кабар/. Ысык-Көлдө браконьерликке каршы рейд жүргүзүлүп, мыйзамсыз салынган торлор алынды.
Жаратылыш ресурстары, экология жана техникалык көзөмөл министрлигинен билдиришкендей, алынган торлор утилдештирүүгө өткөрүлдү.
Министрлик браконьерликке каршы күрөштү, биологиялык ресурстарды коргоону жана көлдүн экосистемасын сактоону мындан ары дагы улантат.
