Бишкек, 27.06.25. /Кабар/. Ысык-Көлдүн Бостери айылындагы бала бакчанын курулушу аяктап калды. Бул тууралуу Курулуш, архитектура жана турак жай-коммуналдык чарба министрлигинен билдиришкенти.
Маалыматка ылайык, «Келечек Башаты» бала бакчасынын курулушу 2023-жылы башталган, учурда аяктоо алдында турат. Долбоор республикалык бюджеттин эсебинен каржыланып, жалпы баасы 62 млн сомду түзөт.
Бала бакча 60 орунга ылайыкталган. Имарат эки кабаттуу, жалпы аянты 720 чарчы метрди түзөт. Курулуш иштери заманбап талаптарга жана стандарттарга ылайык жүргүзүлүүдө.
