Бишкек, 30.10.26. /Кабар/. Ысык-Көлдүн акваториясынан бир күндө 3100 метр эски синтетикалык балык уулоочу тор жана 40 килограмм таштанды чыгарылды. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Маалыматка ылайык, 29-октябрда көлдөн 2500 метр эски синтетикалык балык уулоочу тор чыгарылып, 40 килограмм таштанды тазаланды.
Мындан тышкары, Жаркымбай, Өрүктү жана Чоң Өрүктү айылдарынын аймагында браконьерликке каршы рейддер уюштурулуп, көлдөн дагы 600 метр эски синтетикалык тор алынган.
