Бишкек, 20.05.26. /Кабар/. Ысык-Көлдө кезектеги экологиялык рейддин алкагында көлдөн 2500 метр мыйзамсыз балык уулоочу тор чыгарылды. Бул тууралуу Экологиялык жана техникалык көзөмөл кызматы билдирди.
Маалыматка ылайык, рейддик иш-чаралар 19-майда Жети-Өгүз жана Тоң райондорунун аймагында жүргүзүлгөн.
Экологиялык көзөмөл кызматы жарандарды мыйзам талаптарын так сактоого жана Ысык-Көлдүн жаратылышына аяр мамиле жасоого чакырат.
Экотехкөзөмөл кызматы жыл башынан бүгүнкү күнгө чейин Ысык-Көл түбүнөн жалпы 26 700 метр синтетикалык тор жана 790 кг таштанды чыгарды.
