Бишкек, 05.11.25. /Кабар/. Күн мурун Экологиялык жана техникалык көзөмөл кызматынын Ысык-Көл регионалдык башкармалыгынын инспекторлору Ысык-Көлдөн 1100 метрге жеткен мыйзамсыз коюлган синтетикалык эски торлорду чыгарышты. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Ведомстводон маалымдашкандай, бул иш-чарага жарандык активисттер да катышты. Мындай иштер балык ресурстарын жана көлдүн биологиялык ар түрдүүлүгүн коргоого багытталган.
Мындан тышкары, экологиялык коопсуздукту сактоо жана жаратылыш ресурстарын мыйзамсыз пайдаланууга бөгөт коюу максатында рейддик текшерүүлөр үзгүлтүксүз жүргүзүлүп жатат.
