Бишкек, 10.11.25 /Кабар/. Ысык-Көл облустук ички иштер башкармалыгы шайлоо алдындагы мыйзам бузууларга каршы чараларды күчөттү.
Милициядан билдиришкендей, бүгүн облустук милициянын башчысы Мурат Боронов шаардык жана райондук ички иштер бөлүмдөрүнүн башчылары жана бөлүм башчыларына кеңешме өткөрдү. Анда шайлоо алдындагы үгүт иштеринде мыйзам бузулуулардын алдын алуу жана ар бир талапкердин үгүт иштерин мыйзам чегинде көзөмөлдөө боюнча катуу талаптарды койду.
Мурат Боронов мыйзамдуулуктун шайлоолордун адилеттүү жана ачык өтүшү үчүн негизги шарт экенин белгилеп, жергиликтүү милиция башчыларына так көрсөтмөлөрдү берди.
Ысык-Көл ОИИБ облус аймагында шайлоону тынч өткөрүүгө кепилдик берүү менен шайлоо алдындагы процесстин коопсуздугун жана мыйзамдуулугун камсыз кылууга толук даярдыгын билдирет.
