Бишкек, 26.03.26. /Кабар/. Ысык-Көл облусунда Өзгөчө кырдаалдар министрлигинин өрткө каршы эки заманбап куткаруу бөлүгүнүн имараты курулууда. Бул тууралуу ведомстводон маалымдашты.
Күн мурун министрдин орун басары Азамат Мамбетов Ак-Суу районундагы жаңы өрткө каршы куткаруу бөлүгүнүн курулуш ишинен кабар алды.
Өздүк курам курулуп жаткан имарат алардын өрт өчүрүүдөгү мүмкүнчүлүгүн жаңы деңгээлге чыгарарын белгилешти.
Өз сөзүндө Мамбетов мындан ары да өрт өчүрүүчүлөрдүн кийимдери жаңыланып, иштөө шарттарын жакшыртуу аракеттери көрүлөрүн билдирди.
Белгилей кетсек, учурда Ак-Суу районунда жана Кажы-Сай айылында өрткө каршы эки заманбап куткаруу бөлүгүнүн имараттарынын курулуш иштери аяктоо алдында турат.
