Бишкек, 10.11.25. /Кабар/. Ысык-Көлдө мыйзамсыз балык уулаган 18 жаштагы жаран кармалды.
Ысык-Көл облустук милициясынан билдиришкендей, 8-ноябрда рейд учурунда Тоң районуна караштуу Кызыл-Туу айылынын 2007-жылы туулган А.У. аттуу тургуну мыйзамсыз балык уулап жүргөн жеринен кармалган.
Бул факт Тоң РИИБдин КБРне катталып, КР Кылмыш-жаза кодексинин 310-беренеси боюнча кылмыш иши козголду.
Кармалган шектүү КР КЖПКнын 96-97-беренелери негизинде камакка алынды.
Тергөө амалдары уланууда.
