Бишкек, 06.11.25. /Кабар/. Энергетика министри Таалайбек Ибраев Ысык-Көл облусуна жумушчу сапары менен барып, Кызыл-Өрүк айылындагы күн электр станциясынын курулушунун жүрүшү менен таанышты. Бул тууралуу ведомстводон маалымдашты.
"РЭЦА" ЖЧКсынын директору Фам Минь Банг долбоордун ишке ашырылышы тууралуу кеңири маалымат берип, иш бекитилген графикке ылайык жүргүзүлүп жатканын билдирди.
Азыркы учурда жумушчулар үчүн убактылуу турак-жай куруу иштери аяктоодо, подстанциянын пайдубалы жана 110 кВ электр берүү линиясы куюлууда, ошондой эле күн панелдери үчүн кронштейндер орнотулууда.
Энергетика министри курулуш мөөнөттөрүн так сактоо зарылдыгын баса белгилеп, "РЭЦА" компаниясынын директоруна аткарылып жаткан иштердин сапатына жана темпине көзөмөлдү күчөтүүнү тапшырды.
150 МВтка чейин кубаттуулуктагы долбоордун биринчи фазасын аяктоо 2026-жылдын биринчи жарымына пландаштырылган.
