Бишкек, 26.09.25. /Кабар/. Ысык-Көл облусунда көмөк чордондордун кубаттуулугу 56,5 МВАга жогорулатылат. Бул тууралуу Энергетика министрлигинен билдиришти.
Маалыматка ылайык, бул үчүн төмөндөгү көмөк чордондордо трансформаторлор алмаштырылды:
- "Южная-1" көмөк чордонунда 10 МВА трансформатор 16 МВА трансформаторго;
- "Саруу" көмөк чордонунда 6,3 МВА трансформатор 10 МВА трансформаторго;
- "Кең-Суу" көмөк чордонунда 2,5 МВА трансформатор 4 МВА трансформаторго.
Алдыда төмөнкү көмөк чордондордо трансформаторлорду алмаштырылат:
- "Пржевальск" көмөк чордонунда 25 МВА трансформатор 40 МВАга;
- "Восточный" көмөк чордонунда 16 МВА трансформатор 25 МВАга;
- "Покровка" көмөк чордонунда 10 МВА трансформатор 16 МВАга;
- "Жети-Өгүз" көмөк чордонунда 10 МВА трансформаторлор 16 МВА
"Барскоон", "Улахол" көмөк чордондорунда дагы ушундай эле иштер жүргүзүлөт.
Бул өзгөртүүлөр электр жүктөмүнүн өсүшүнө даярдыкты камсыздап, керектөөчүлөрдү үзгүлтүксүз энергия менен камсыздоону жакшыртат.
Жумуштар 2025-жылдын октябрь айында толук аяктайт. Ошону менен облустагы жогорку чыңалуудагы көмөк чордондордун жалпы кубаттуулугу 56,5 МВАга жогорулатылат.
