Бишкек, 02.06.26. /Кабар/. "Чакан ГЭС" ААК Ысык-Көл облусунун аймагында электромобилдерди кубаттоочу станциялар тармагын кеңейтүүдө.
Энергетика министрлигинен билдиришкендей, бүгүнкү күндө Түп районунда төрт электр кубаттоочу станция жана Тоң районунда үч станция пайдаланууга берилди.
Учурда "Чакан ГЭС" ААКтын адистери Балыкчы шаарында төрт электр кубаттоочу станцияны орнотуу иштерине киришти. Курулуш-монтаждоо иштери аяктаган соң, жаңы объекттер пайдаланууга берилип, электромобиль ээлери үчүн кошумча мүмкүнчүлүктөрдү түзөт.
Эске салсак, "Чакан ГЭС" ААК быйыл Ысык-Көл облусунун бир катар калктуу конуштарында кошумча электр кубаттоочу станцияларды орнотууну пландап жатат. Алсак, Кызыл-Суу айылында үч станция, Бостери жана Ак-Суу айылдарында төрттөн станция, ошондой эле Чолпон-Ата жана Каракол шаарларында төрттөн станция орнотулат.
