Бишкек, 10.02.26. /Кабар/. "Чакан ГЭС" ААК Ысык-Көл облусуна электромобиль кубаттоочу 10 станция орнотот. Бул тууралуу Энергертика министрлигинен билдиришти.
Маалыматка ылайык, учурда жер тилкелерин ижарага алуу боюнча зарыл болгон документтер даярдалууда.
Аталган 10 кубаттоо станциялары төмөнкү аймактарга орнотулат:
- Балыкчы шаары — 2 жер тилкеси;
- Бөкөнбаев айылы — 1 жер тилкеси;
- Кызыл-Суу айылы — 1 жер тилкеси;
- Каракол шаары — 2 жер тилкеси;
- Түп айылы — 2 жер тилкеси;
- Чолпон-Ата шаары — 2 жер тилкеси.
Зарыл документтер бүткөн соң курулуш-монтаждоо иштери башталат. Кубаттоо станцияларды быйылкы жылы ишке берүү пландалууда.
Долбоор экологиялык жактан таза транспортту өнүктүрүүгө, аймактын туристтик жана транспорттук инфраструктурасын жакшыртууга, ошондой эле электромобил ээлери үчүн ыңгайлуу шарттарды түзүүгө багытталган.
