Бишкек, 18.08.25. /Кабар/. Ысык-Көл облусунда 1 163 чакырым электр зымдары техникалык тейлөөдөн өттү. Бул тууралуу Энергетика министрлигинен билдиришти.
Ошондой эле Ысык-Көл электр тармагы ишканасы тарабынан 2025-жылдын башынан бери төмөндөгүдөй иштер аткарылды:
- 895 даана 10/0,4 кВ чыңалуудагы көмөк чордон;
- 1163,2 чакырым аба чубалгылары техникалык тейлөөдөн өттү.
Мындан тышкары, капиталдык оңдоо иштери жүргүзүлүп, анын жүрүшүндө:
- 133,4 чакырым аба чубалгылары;
- 175 даана көмөк чордондору толук оңдоодон өттү;
- иштөө мөөнөтү бүткөн 451 жыгач мамы жаңы темир-бетон мамыларга алмаштырылды.
Трансформатордук оңдоо цехинин кызматкерлери жыл башынан бери 70 трансформаторду толук оңдоп, алардын 14 тоннага жакын майын тазалашты.
