Бишкек, 07.02.25. /Кабар/. Ысык-Көл облусунун Өрнөк айылында 100 орунга ылайыкталган, жалпы аянты 946 чарчы метр болгон эки кабаттуу имараттан турган жаңы бала бакча курулууда.
Архитектура, курулуш жана турак- жай коммуналдык чарба агенттигинен билдиришкендей, долбоор республикалык бюджеттин эсебинен каржыланып, тендердик баасы 79 млн сомду түзөт. Анда топтук окуу класстары, оюн жана уктоочу бөлмөлөр, ашкана, дарыгердин кабинети жана кабылдамасы каралган. Бүгүнкү күндө курулуш иштери 40 % түзөт бүткөрүлдү.
Белгилей кетсек, бала бакчанын курулушу Өрнөк айылынын балдарын мектепке чейинки билим берүү менен камсыз кылууга жана алардын ыңгайлуу шартта тарбияланышына мүмкүнчүлүк түзөт.
