Бишкек, 03.09.25. /Кабар/. Түп районунун Балбай айылында наркы 64 млн сомду түзгөн жаңы бала бакчанын курулушу жүрүп жатат. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка караганда, курулуш иштери өткөн жылы башталып, республикалык бюджеттин эсебинен каржыланууда.
Долбоор боюнча бала бакча 100 орунга ылайыкталып, эки кабаттуу имараттан турат. Бөбөктөрдүн коопсуз жана ыңгайлуу шартта тарбияланышы үчүн бардык талаптар эске алынып, курулуш иштери заманбап үлгүдө жүргүзүлүүдө.
