Бишкек, 28.10.25. /Кабар/. Чүй облусунун Ысык-Ата районундагы Сын-Таш айылында курулуп жаткан жаңы спорт зал быйыл пайдаланууга берилет. Бул тууралуу Курулуш министрлиги билдирет.
Маалыматка ылайык, курулуш иштери республикалык бюджеттин эсебинен каржыланып, 64 млн сомго салынды.
Жалпы аянты 620 чарчы метр болгон спорт зал заманбап талаптарга жооп берет. Спорт зал пайдаланууга берилсе мектеп окуучулардын спорт менен машыгуусуна толук шарт түзүлөт.
