Бишкек, 15.05.26. /Кабар/. Кара-Кулжада Ылай-Талаа – Гүлчө унаа жолунун 55 чакырымы реконструкцияланып, асфальтталат.
Транспорт жана коммуникациялар министрлигинен билдиришкендей, учурда аталган жол тилкесинде жер жумуштары жүрүүдө. Долбоорго ылайык, жолдун туурасы 14 метрге чейин кеңейтилет.
"Азыркы тапта жумуштардын эң татаал бөлүгү деп эсептелген 7 чакырымдык тилкеде жер кыртышын даярдоо иштери аткарылууда", - деп айтылат маалыматта.
Курулушту подрядчы компания жүргүзүп, техникалык талаптар жана жол курулушунун сапаты министрликтин көзөмөлүндө.
