Бишкек, 27.11.25. /Кабар/. Талас облусунун Манас районунун прокуратурасынын жаңы административдик имараты ачылды. Бул тууралуу Башкы прокуратурадан билдиришти.
Башкы прокурор Максат Асаналиев жаңы имараттын ачылышын өлкөдө мыйзамдуулукту чыңдоого багытталган иш-аракеттердин маанилүү жыйынтыктарынын бири катары баалады.
"Бул имараттын ишке берилиши – жөн гана жаңы имаратты пайдаланууга тапшыруу эмес, коомубузда мыйзамдуулукту жана адилеттүүлүктү чыңдоого багытталган маанилүү кадам, өлкө жетекчилеринин жүргүзүп жаткан натыйжалуу иштеринин жыйынтыгы болуп саналат", — деди.
Жаңы административдик имарат заманбап стандарттарга толук жооп берип, кызматкерлер үчүн ыңгайлуу жана коопсуз иш шарттарын камсыздайт. Ошондой эле жарандарды кабыл алуу үчүн жеткиликтүү, ыңгайлуу жана ачык форматтагы бөлмөлөр каралган.
