Бишкек, 30.03.26. /Кабар/. 29-мартта Ысык-Көл районунун Өрнөк айылында Курманжан датка атындагы Көчмөн цивилизация борборунун базасында Салттуу кол өнөрчүлүк борбору салтанаттуу ачылды. Бул тууралуу Маданият, маалымат, спорт жана жаштар саясаты министрлигинен билдиришти.
Маалыматка ылайык, долбоор Кыргызстан менен Кореянын кызматташтыгынын алкагында ЮНЕСКОнун алдындагы "ICHCAP" уюмунун колдоосу менен ишке ашырылды.
Жаңы борбор мастер-класстарды, көргөзмөлөрдү жана окутуу программаларын өткөрүүгө ылайыкталган. Долбоордун алкагында музей жаңыланып, инфраструктурасы жакшыртылып, заманбап жабдуулар менен камсыздалды.
