Бишкек, 07.11.25. /Кабар/. 6-ноябрда Сауд Аравия Падышалыгынын борбору Эр-Рияд шаарында Ислам дүйнөсүндөгү эң ири спорттук иш-чаранын жакындаганын белгилеген, VI Ислам шериктештиги оюндарынын желегин көтөрүү салтанаты болуп өттү.
Дене тарбия жана спорт мамлекеттик агенттигинен билдиришкендей, иш-чара спорттук шаарчанын аймагында оюндарды уюштуруу комитетинин, ошондой эле катышкан мамлекеттердин расмий делегацияларынын өкүлдөрүнүн, спортчулардын жана машыктыруучулардын катышуусундө өттү.
Сауд Аравия Падышалыгынын улуттук гимнинин жана оюндардын гимнинин коштоосунда желек салтанаттуу түрдө көтөрүлдү.
Спорттук мелдештер Эр-Риядда 2025-жылдын 7-21-ноябрь күндөрү “ONE NATION” урааны астында өтөт.
