Бишкек, 24.11.25. /Кабар/. “Узловая” көмөк чордонунда кызматкерлерге имарат курулду. Бул тууралуу Энергетика министрлигинен билдиришти.
Ведомствонун маалыматы боюнча, Ош электр тармактар ишканасына таандык Көмөк чордондор кызматынын Ош тайпасынын электр слесарлары үчүн жаңы кызматтык имарат курулду.
Ал Ош шаарынын Жапалак айылында ДЭУ-21 көчөсүндө “Узловая” көмөк чордонунун жанында жайгашкан.
Долбоор “Кыргызстан улуттук электр тармагы” ишканасы тарабынан каржыланып, жалпы сметалык баасы 7060,76 миң сомду түздү. Имаратта иш бөлмөлөрү, санитардык жана кийинүүчү жайлар бар. Мында кызматкерлерге коопсуз жана ыңгайлуу иш шарттары түзүлүп, милдеттерин сапаттуу аткаруусун жакшыртат.
Курулушта энергияны үнөмдөөчү жана экологиялык жактан коопсуз материалдар колдонулду. Имараттын курулуш иштери дээрлик аяктап калды, жакынкы күндөрү пайдаланууга берилет.
