Бишкек, 29.07.26. /Кабар/. УТРКнын Нарындагы бөлүмүнө жаңы имарат курула баштады. Бул тууралуу президенттин администрациясынын Маалыматтык саясат кызматынын жетекчиси Дайырбек Орунбеков социалдык тармактагы баракчасы аркылуу билдирди.
Анын айтымында, 20 жылдан ашык убакыт бою кызматкерлер 1952-жылы курулган эски имаратта иштеп келишкен. Бул көптөн берки көйгөй президент Садыр Жапаровдун колдоосу менен чечилип, жаңы заманбап имараттын курулушу башталды.
“Жаңы имарат жер төлөөсүн кошкондо 4 кабаттуу болуп, жалпы аянты 1000 чарчы метрди түзөт. Ичинде 4 студия, пресс-борбор, ар бир кабарчыга шарты менен кабинеттер жана заманбап монтаж бөлмөлөрү болот”, - деп жазды Орунбеков.
